أشياء ترررررررررررررفع الضغط

شانكس السبت أكتوبر 06, 2007 3:35 am

السلام عليكم ورحمة الله وبركاته

كيف الحال ؟؟..
.
.
.
.
الأشياء اللي ترفع الضغط كثيرة ومنها ...
• أنك تشرب ببسي حار
• أنك تصلي وأنت لابس شراب مشقوق
• أنك تعطي أخوك سيارتك ... ويرجعها والتانكي فاااضي
• أنك تدخل المسنجر .. وما تلقى ألا اللي ماتبيهم
• أنك تـتـفاهم مع رجل امن سعودي
• أنك تناظر مباراة على الأي آر تي وأنواع الحماااس وفجأة ينقطع الاشتراك
• أنك تلعب كوره وأنت حافي .. وتشوت غطا البياره
• أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار
• أنك تعطي جوالك لواحد ويرجعه لك والرسايل محذوفه
• أنك تقوم من صباح الله وتروح للجامعة تمشي مليون .. وتلقى الدكتور معتذر
• أنك تـَـشرق بالماء
• أنك معك حزام أسود بالكاراتيه ويدعسك أفغاني
• أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون
• أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه
• أنك تمسك خط مع أبوك وبسيارة وحده ولحالكم ( ههههه ترى أحيانا مو دايما هههههههه )
• أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد
• أنك تكلم ويدق عليك واحد ويلقاك أنتظار ويقطع
• أنك تروح الحلاق وينتف شنبك ( وجه متغبي أسبوع )
• أنك تغص ولاتلقى أحد يطق ظهرك
• أنك تتفرج على اجتماع دول مجلس التعاون الخليجي
• أنك تصير أمام لجماعه ... وبالركعة الثانية تذكر أنك منتب على وضوء
• أنك تلبس نظاره وسخه
• أنك تشوف فـلم .. وواحد جنبك يقولك القصة
• أنك تمسك خط وفيه ذباب بسيارتك وأنك تفتح الدريشه ولا يطلع
• أنك تدخل حمام ماله قفل
• أنك تاكل حنيني بارد
• أنك تدور شغالتكم باندونيسيا <-- الله يخليهم كلهم يشبهون بعض ( يخلق من الشبه مليار )
• أنكم تلعبون كوره بالبر وتطيح عارضتكم ( باب القوووول )
• أنك تسوي فيها متابع مع الدكتور وتتوهق ويسألك سؤال وماتقدر تجاوب
_ وانت تسبح بالحمام والصابون على جسمك ينقطع المويه.
_ وانت طالع للدوام متأخر .... السيارة متعطله بنشر أو بطاريه.
_ بنشرت سيارتك بعد الظهر في عز الحر بالرياض.
_ ضيف تذبح له وتعزم الأقارب والأصدقاء ويعتذر عند وقت الوليمه.
_ تتصل على البيت ليش التلفون مشغول ؟؟؟ وبكل برود يقولون هات خط ثاني.
_ طالعين كشته وقت الربيع وعند طبخ الغداء ناسين الملح والديرة بعيده.
_ وانت في عز النوم نص الليل يتصل عليك أحدهم غلطان بالرقم بعدين يطير عنك النوم.
_ تكتب رسالة رومنسيه . إحم . وتختار الكلمات الحلوه مع الأبيات وتزخرفها وتلونها وعند الإرسال تنمسح
_اذا كان عندك اسهم وارتفع سعرها وتبي تبيع لكن نظام البنك اللي عنده أسهمك متعطل بعدين تنزل الأسعار
_ اذا جيت البيت الساعه 2 بعد الظهر من الدوام مافيه غداء لأن الغاز خالص
_ وانت بالطيارة يجيك إسهال
انك تمسك سهم وانت وياه كل يوم نسبه تحت ويوم تبيعه ينسب فوق
- تدخل الحمام اعزكم الله ويوم يخف بطنك وترتاح تلقى المويه مقطوعه
- اذا كنت أقرأ سواء جريدة أو كتاب أو مقال في الانترنت .. ثم يأتي أحد ويقاطعني ..
- أن يسألني الشخص نفس السؤال أكثر من مرة في فترة قصيرة ..
- أن يسولف علي أحد سالفة سولفها علي هو نفسه أمس .. أو أقول له أعرف السالفة ويكمل !!!<<< عناااااد cheers

x EmO GiRl x السبت أكتوبر 06, 2007 4:21 am

أنك معك حزام أسود بالكاراتيه ويدعسك أفغاني

ههههههههههههههههههههههههههههههههههههههههههههههههههههه

أن يسولف علي أحد سالفة سولفها علي هو نفسه أمس .. أو أقول له أعرف السالفة ويكمل !!!<<< عناااااد

يــــــــاشينها هــذي كثـــــــــــــــير تصير لـــي والله خخخخخخخ

ياااعمري على الموضوع الــ coOoL وربي خطير ,,

thanx aloOoT ^ ^